नेपाली ब्लग / Nepali Blog: October 2015

October 29, 2015

राष्ट्रप्रमुख, राष्ट्रपति महिला, व्यवस्थापिका प्रमुख, सभामुख महिला

हामी नेपालीको गर्व गर्ने दिन आएकै हो । राष्ट्रप्रमुख राष्ट्रपति महिला, व्यवस्थापिका प्रमुख, सभामुख महिला । महिलाहरुलाई यो उच्च स्थानमा पुग्ने वातावरण बनाउने महिला पुरुष सबैलाई बधाई ।

सम्मानीय राष्ट्रपति विद्या भण्डारी

सम्मानीय सभामुख ओनसरी घर्तीमगर

@ श्रीधर न्यौपाने ।

October 27, 2015

सुन्दर भूमि , ऐतिहासिक जिल्ला रुकुम

सुन्दर भूमि , ऐतिहासिक जिल्ला रुकुम पुग्दै गर्दाका केही तस्वीरहरु पोष्ट गरें है । #Rukum

@ श्रीधर न्यौपाने ।

October 21, 2015

जति हेरे पनि हेरिरहुँ जस्तो लाग्ने केही स्केच ।

@ श्रीधर न्यौपाने ।

भेटघाट र शुभकामना ।

नेपालको संसदीय ईतिहासमा पहिलो महिला सभामुख ओनसरी घर्तीलाई उहाँको कार्यकक्ष सिंहदरबारमा शुभकामना दिदाको क्षण ।

सिन्धुपाल्चोक जिल्लाको क्षेत्र नं २ का जनप्रतिनिधि हुँदै दोस्रो पटक मन्त्री बन्नुभएको बन तथा भु संरक्षण मन्त्री अग्नी सापकोटासंग उहाँकै कार्यकक्षमा शुभकामना दिएपछिको क्षण ।

@ श्रीधर न्यौपाने ।

October 16, 2015

दैलेखको श्रीस्थान र नाभिस्थानमा रहेको प्राकृतिक ज्वाला

दैलेखको प्रसिद्ध तिर्थस्थल श्रीस्थान र नाभिस्थानमा रहेको प्राकृतिक ज्वाला हेरेपछि लाग्यो हामीलाई भारतले संधैभरी नाकाबन्दी गरिदिए आफैंलाई हेर्ने थियौं कि ? त्यसो भए हामी सुनको कचौरा लिएर माग्न बस्ने थिएनौं कि ?

@ श्रीधर न्यौपाने ।

October 12, 2015

कसरी दशैं मनाउ सरकार ?

सुने सिंहदरबारमा नयाँ सरकार आयो रे
सुने पात्रोले नयाँ दशैं ल्यायो रे

तर यसपाली सिन्धुपाल्चोक, गोरखा र अरु थुप्रै जिल्लाहरुमा
भुईचालोको भग्नाबशेषहरुबाट गन्ध हराएको छैन
पीडै पीडाले डामीएका मनहरु, झन झन पीडामा जिईरहेछन
महिनौ देखिको राहतको आशा झन झन खिईरहेछन
अनि, म कसरी दशै मनाउँ सरकार ?

मुस्कीलले दिईएको पन्ध्र हजारले भित्तो ठडिएको छैन
आफन्त र छिमेकी गुमाएको पीडाले आँसु अडिएको छैन
अनि, म कसरी दशै मनाउँ सरकार ?

ओत लाग्ने भित्तो भए त्यहिँ मुन्टो जोत्ने थिएँ
सरकारको जय गाउँदै त्यहि भित्तो पोत्ने थिएँ
तर, यो दशैंमा न त पोत्ने भित्तो छ,
छाप्रो र मन दुबै रित्तो रित्तो रित्तो छ
अनि, म कसरी दशैं मनाउँ सरकार ?

सुने सिंहदरबारमा नयाँ सरकार बन्यो रे
तिम्रो उपस्थितिले आँखा ओभाउने थिए कि ?
छटपटिएका मन थामीन सघाउने थिए कि ?
भन, म कसरी दशै मनाउँ सरकार ?

श्रीधर न्यौपाने
सिन्धुपाल्चोक

@ श्रीधर न्यौपाने

October 5, 2015

नेपाल । मेरो नेपाल । प्यारो नेपाल ।

पुरानो नक्सा अनुसारको मध्य पश्चिम । नयाँ नक्सा अनुसारको ६ नंबरको प्रदेशका केही जिल्ला घुमिरहेको छु । जति घुम्यो उती सुन्दर र मनमोहक । मलाई प्यारो लाग्छ मलाई राम्रो लाग्छ मेरो देश ।

Shreedhar Neupane

जन्म दिने आमा भगवान भए आमाको काख स्वर्ग हो । टेकेको धर्ती स्वर्ग हो ।

मेरो स्वर्ग मेरो देश नेपाल । पुरानो नक्सा अनुसारका ५७ वटा जिल्लाका सदरमुकाम पुगीएछ, अब १८ वटा बाँकि छ । देश पुरै घुम्ने रहर पनि नजिक नजिक छ । जति घुम्यो उती आशावादी हुन्छु म । मेरो देश मेरा देशका नागरिकहरु । नेपालीहरु ।

स्वाभीमानी, मेहनती, उर्जाशील । अलीकति दह्रो व्यवस्था भए हामी सुनको कचौरा लिएर माग्न बसेजस्तो, नतिखारिएको पेन्सील समातेर बसेजस्तो मात्रै हुने थिएनौ होला । हामी कयौं माथि हुने थियौं होला । तर दिन आउने छ । म त आशावादी छु । गर्ने हामीेले नै हो ।